’’بھارت سے آزادی کشمیریوں کا حق ہے‘‘

27 اکتوبر ، 2018

سابق صدر آصف علی زرداری کا کشمیر پر بھارتی قبضے کےخلاف منائے جانے والے یومِ سیاہ کے حوالے سے جاری کیے گئے پیغام میں کہنا ہے کہ بھارت سے آزادی کشمیریوں کا حق ہے۔

انہوں نے کہا ہے کہ یقین ہے کہ ایک دن کشمیر بھارت کے قبضے سے آزاد ہوگا، بھارت کے قبضے سے کشمیر کی آزادی بھٹو شہید کا مشن ہے، پیپلز پارٹی کشمیری عوام کے ساتھ ہے۔

پی پی پی کے شریک چیئرمین نے یہ بھی کہا ہے کہ عالمی منصف، مظلوم کشمیریوں کو انصاف دلوانے میں مدد کریں، یقین ہے کہ کشمیر کی آزادی کا سورج ضرور طلوع ہوگا۔

واضح رہے کہ کنٹرول لائن کے دونوں اطراف اور دنیا بھر میں مقیم کشمیری آج یوم سیاہ منا رہے ہیں، 27 اکتوبر 1947ء کو بھارت نے اپنی فوجیں اتار کر کشمیر پر قبضہ کر لیا تھا۔

تازہ ترین