’کشمیریوں پر مظالم روکنے کیلئے مودی کو لگام دی جائے‘

27 اکتوبر ، 2018

’’کشمیریوں پر جاری مظالم روکنے کیلئے مودی کو لگام دی جائے‘‘

پاکستان پیپلز پارٹی کے چیئرمین بلاول بھٹو زرداری کہتے ہیں کہ نہتے کشمیریوں پر جاری مظالم روکنے کے لیے مودی کو لگام دی جائے۔

چیئرمین پی پی پی بلاول بھٹو زرداری نے کشمیر پر بھارتی قبضے کے خلاف آج منائے جانے والے یومِ سیاہ کے موقع پر اپنے پیغام میں کہا ہے مزید کہا ہے کہ گزشتہ 71 برسوں سے کشمیر پر 5 لاکھ بھارتی فوج کا غاصبانہ قبضہ ہے۔

انہوں نے کہا کہ 70 ہزار سے زائد کشمیریوں کو ان کی جدوجہد کے دوران موت کے گھاٹ اتارا جا چکا ہے،بھارتی قبضے پر عالمی برادری مسلسل خاموشی اختیار نہیں کر سکتی۔

بلاول بھٹو زرداری نے مزید کہا کہ پاکستانی عوام کا کشمیر اور اس کی عوام سے جذباتی، روحانی اور تاریخی تعلق ہے، ہم کشمیریوں کی جدوجہد کے بارآور ہونے تک اخلاقی و سفارتی حمایت جاری رکھیں گے۔

چیئرمین پیپلز پارٹی نے یہ بھی کہا کہ پاکستان پیپلز پارٹی کشمیریوں کے لیے آواز اٹھانے کی خاطر ہر فورم پر صفِ اوّل میں کھڑی ہوگی۔

واضح رہے کہ کنٹرول لائن کے دونوں اطراف اور دنیا بھر میں مقیم کشمیری آج یوم سیاہ منا رہے ہیں، 27 اکتوبر 1947ء کو بھارت نے اپنی فوجیں اتار کر کشمیر پر قبضہ کر لیا تھا۔

تازہ ترین