آپ آف لائن ہیں
جنگ ای پیپر
جمعرات 20؍ ذوالحجہ 1440ھ 22؍اگست 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

محمد لال اور محمود خان کے کھیل کے آخری لمحات میں فیصلہ کن گول کی بدولت سوئی سدرن گیس نے پاکستان پریمیئر فٹبال لیگ میں کراچی الیکٹرک کو شکست دیدی۔

پہلے ہاف میں کے الیکٹرک کی ٹیم چھائی رہی لیکن دوسرے ہاف کے آخری لمحات میں سوئی سدرن نے لگاتار دو گول کرکے کھیل کا نقشہ بدل دیا۔ لاہور کے پنجاب اسٹیڈیم میں سوئی سدرن گیس اور کے الیکٹرک کے درمیان میچ انتہائی سنسنی خیز رہا۔

کراچی الیکٹرک کی ٹیم نے گول کرنے کے کئی مواقع ضائع کئے۔ فارورڈز نے پے درپے غلطیاں کرتے ہوئے ان مواقعوں کو ضائع کیا۔ دوسرے ہاف میں بھی دونوں ٹیموں کے درمیان برتری کی جنگ جاری رہی لیکن گول کرنے میں کسی کو بھی کامیابی حاصل نہ ہوئی۔

بالآخر ایک بہترین موو پر محمد لال نے 88 میں منٹ میں گول کرکے سوئی سدرن گیس کو ایک صفر کی برتری دلائی اور محمود خان نے انجری ٹائم میں خوبصورت گول کرکے ٹیم کی برتری کو دگنا کردیا۔ دونوں گول اس قدر اچانک اور آخری لمحات میں تھے کہ کراچی الیکٹرک کو واپسی کا موقع بھی نہ مل سکا۔

کھیلوں کی خبریں سے مزید