اگر دعائے قنوت یاد نہ ہو تو نعم البدل کے طور پر کیا پڑھا جائے ؟

02 نومبر ، 2018

تفہیم المسائل

سوال: دعائے قنوت یادکرنے تک نعم البدل کے طور پر کیا پڑھا جائے ؟ (رمیز، کراچی)

جواب: نمازِ وتر کی تیسری رکعت میں دعا پڑھنا واجب ہے اور کسی بھی دعا کے پڑھنے سے واجب اداہوجائے گا (شامی)،جو دعائے قنوت نہ پڑھ سکتا ہو، وہ ’’ربّنا اٰتنا فی الدنیا ‘‘ پڑھے،علامہ ابن عابدین شامی لکھتے ہیں:ترجمہ:’’ جو دعائے قنوت نہ پڑھ سکے ،وہ یہ کہے ’’رَبَّنَا آتنَا فِی الدُّنیَا حَسَنَۃً‘‘(آخر تک )اور فقیہ ابو اللیث فرماتے ہیں: وہ تین مرتبہ ’’اللّٰہم اغفرلی‘‘ کہے،اور بعض نے کہا کہ تین مرتبہ ’’یارب‘‘ کہے ،’’ذخیرہ ‘‘ میں بھی اسے ذکر کیاہے ،(ردالمحتار علیٰ الدرالمختار ،جلد2،ص:385،داراحیاء التراث العربی ، بیروت)‘‘۔تاہم اس دوران دعائے قنوت یاد کرنے کی کوشش کرتے رہنا چاہئے، تاکہ نمازِ وتر کے اجرِ کامل سے محروم نہ رہیں ۔

تازہ ترین