نارتھ امریکن باکس آفس پر اس ہفتے میوزیکل فلموں کا راج

نارتھ امریکن باکس آفس پر اس ہفتے میوزیکل فلموں کا راج رہا، بوہیمین ریپسڈی نے کمائی میں دیگر فلموں کو پیچھے چھوڑ دیا۔

بوہیمین ریپسڈی برٹش راک بینڈ کوئین کی داستان پر مبنی فلم ہے، بینڈ کے کئی کلاسک ٹریکس بھی فلم کا حصہ ہیں، ویک کے اینڈ پر بوہیمین ریپسڈی 6 ارب 70 کروڑ روپے کمائی کے ساتھ پہلے نمبر پر رہی۔

ڈزنی کی فلم دا نٹ کریکر اینڈ دا فور ریامزنے 2 ارب 67 کروڑ روپے کا بزنس کیا، اور اس طرح یہ فلم اس ہفتے دوسرے نمبر رہی، اس فلم میں کیرا نائٹلی، ہیلن مِرن اور میکنزی فوئے نے مرکزی کردار ادا کیے ہیں۔

نو باڈیز فول 1ارب 87 کروڑ روپے کما کر پہلے ہی ہفتے میں تیسری پوزیشن پر براجمان ہوگئی۔

باکس آفس پر بریڈلے کوپر اور لیڈی گاگا کی فلم ’اسٹار از بورن‘ کے حصے میں چوتھا نمبر آیا جس نے 1ارب 48 کروڑ روپے کمائے۔