آئی ایم ایف سے 6 ارب ڈالر تک ملیں گے، اسد عمر

07 نومبر ، 2018

وزیر خزانہ اسد عمر نے کہا ہے کہ بین الاقوامی مالیاتی فنڈ(آئی ایم ایف) پروگرام سے پاکستان کو5 سے6 ارب ڈالر ملیں گے۔

جیو نیوز کے پروگرام کیپٹل ٹاک میں اظہار خیال کرتے ہوئے اسد عمر نے کہا کہ یہ بات پہلے ہی کہہ چکے ہیں کہ آئی ایم ایف کے پاس جانا ناگزیر ہوسکتا ہے لیکن ہم نے صرف عالمی مالیاتی فنڈ پر ہی درو مدار نہیں رکھا،دو ماہ میں ہم نے دیگر کام بھی کئے۔

ان کا کہناتھاکہ ہم آئی ایم ایف پروگرام میں ایسا کچھ نہیں کریں جو پاکستان کےلئے نہیں کرنا چاہیے،ہم اس وقت مذاکرات کی اچھی پوزیشن پر ہیں۔

اسد عمر نے یہ بھی کہاکہ آئی ایم ایف کی ٹیم دو ہفتوں کےلئے پاکستان آئی ہے ،مختلف ملاقاتیں ہوں گی ۔

وزیر خزانہ نے چین سے 6 ارب ڈالر آنے کی تاثر کی نفی کی اور کہا کہ ہم نے چین سے دو امور پر بات چیت کی ہے کہ ایک پاکستان درآمدات کو دوگنا کرنے اور دوسرا فنڈز لینے کے حوالے سے جس پر فی الحال مذاکرات ہونے ہیں۔

تازہ ترین