امریکی ریاست کیلی فورنیا کے کلب میں فائرنگ ہونے کے نتیجے میں پولیس اہلکار سمیت 11 افراد زخمی ہو گئے۔
مسلح شخص نے کلب میں کم از کم 30 گولیاں فائر کیں، حملہ آور اب بھی اندر موجود ہے، فائرنگ کا واقعہ کیلی فورنیا کے شہر تھاؤزنڈ اوکس میں پیش آیا۔
عینی شاہدین کی امریکی میڈیا سے گفتگو میں کہنا تھا کہ مسلح شخص نے ہینڈ گن سے کلب میں فائرنگ کی جس کے بعد اس نے اسموک بم بھی پھینکے۔
پولیس کا کہنا ہے کہ زخمی ہونے والوں کو اسپتال منتقل کر دیا گیا ہے، قانون نافذ کرنے والے اداروں نے لوگوں کو جائے وقوع سے دور رہنے کی ہدایت کی ہے۔
حکام نے فائرنگ کے وقت عوام کو فائرنگ والی جگہ سے دور رہنے کی ہدایت کی تھی۔