امریکا 11سالہ بچہ ماں کی گاڑی لے کر فرار

عام طور پر بچے ضد کرتے ہی ہیں لیکن امریکا میں تو ایک بچے نے حد ہی کردی،امریکی ریاست اوہائیو میں ایک 11سالہ بچے کی ماں نے اسے پلے اسٹیشن دینے سے انکار کیا تو وہ اپنی والدہ کی گاڑی لے اْڑا۔

بچے کو سڑک پر گاڑی چلاتے دیکھ کر پولیس نے اسکا پیچھا کیا تاہم آدھے گھنٹے تک سڑکوں پر گاڑی دوڑانے کے بعد بچے نے کار سڑک کنارے کھڑے ایک ٹرک پر دے ماری اور اس طرح یہ پولیس کے ہاتھ آیا۔

پولیس کے مطابق یہ بچہ گذشتہ برس بھی اس طرح کی حرکت کرچکا ہے۔