کراچی میں آج سے 8 روزہ انسداد پولیو مہم کا آ غاز

12 نومبر ، 2018

کراچی سمیت سندھ بھر میں آج سے 8 روزہ انسداد پولیو مہم کا آغاز ہوگیا ہے، مہم میں 5 سال کی عمر تک کے 70 لاکھ سے زائد بچوں کو پولیو سے بچاؤ کے قطرے پلائے جائیں گے۔

انسداد پولیو مہم کا افتتاح کمشنر کراچی افتخار شلوانی نے سوبھراج اسپتال سے کیا، سندھ کی جانب سےانسداد پولیو مہم 12 سے 19 نومبر تک چلائی جائے گی۔

ترجمان ایمرجنسی آپریشن سیل کے مطابق مہم میں کراچی کے 6 اور سندھ کے 24 اضلاع شامل کیے گئے ہیں،انسداد پولیس مہم میں کراچی کے لیے 13 ہزار سے زائد ورکرز اور سپروائزر حصہ لے رہے ہیں جن کی حفاظت کے لیے 5 ہزار پولس اہلکار تعینات ہیں۔

میڈیا سے گفتگو کرتے ہوئے کمشنر کراچی افتخار شلوانی کا کہنا تھا کہ کراچی میں گڈاپ کا علاقہ ہائی رسک ہے، انسداد پولیو مہم سے انکاری والدین کو منانے کی کوششیں کی جا رہی ہے۔

رواں سال سندھ میں کراچی سے پولیو کا ایک کیس سامنے آیا ہے جس کے بعد ملک میں پولیو کے کیسز کی تعداد 8 ہوگئی ہے۔

تازہ ترین