پیپلز پارٹی کے رہنما اور سندھ کے وزیر بلدیات سعید غنی نے کہا ہےکہ صرف اکاؤنٹ پکڑنےسے ایف آئی اے کا کام ختم نہیں ہوجاتا ، یہ کھوج لگانا ہےکہ پیسے کہاں سے آئے کہاں گئے ۔
کراچی میں میڈیا سے گفتگو کرتے ہوئے انہوں نے کہا کہ جتنے اکاؤنٹس نکالے جارہے ہيں ان سے پیپلز پارٹی ، سندھ حکومت کا کوئی تعلق نہیں، تاثر یہ بنایا جارہا ہے سارےجعلی اکاؤنٹس کا تعلق پیپلز پارٹی سے ہے،یہ بات سراسر غلط ہے ۔
سعید غنی نے کہاکہ وفاقی اور پنجاب حکومت نے فواد چودھری اور فیاض الحسن چوہان کو جس کام کے لیے رکھا ہے وہ اعلی طریقے سے انجام دے رہے ہيں ۔