• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیر اعظم کی نا اہلی کیلئے دائر درخواست پر سماعت ملتوی

تازہ ترین
قومی خبریں
16 نومبر ، 2018
وزیر اعظم کی نا اہلی کیلئے دائر درخواست پر سماعت ملتوی

لاہورہائیکورٹ نے وزیر اعظم عمران خان کی نا اہلی کے لیے دائر درخواست پر سماعت ایک ہفتے کےلیے ملتوی کرتے ہوئے درخواست کے قابل سماعت ہونے کے لیے درخواست گزار وکیل کو مزید دلائل دینے کی ہدایت کر دی۔

لاہور ہائیکورٹ کے جسٹس شمس محمود مرزا نے لائیرز فاؤنڈیشن فار جسٹس کے وکیل اے کے ڈوگر کی وساطت سے دائر کی گئی درخواست پر سماعت کی ۔

درخواست میں وفاقی حکومت اور وزیر اعظم عمران خان نیازی کو فریق بنایا گیا ہے درخواست گزار کا موقف ہے کہ نواز شریف کے دور حکومت میں عمران خان سول نافرمانی کے لیے لوگوں کو ٹیکس نہ دینے اور بیرون ممالک سے رقوم بھی نہ بھیجنے پر اکسایا ۔

اس کے علاوہ عمران خان نے حامیوں سمیت پارلیمنٹ کی بلڈنگ پر دھاوا بولا اور اور گیٹ توڑے ، انہوں نے ملکی سالمیت کے خلاف اقدامات کیے ہیں عدالت سے استدعا کی گئی ہے کہ وزیر اعظم کو آرٹیکل 62 ون جی کے تحت نا اہل کیا جائے۔

تازہ ترین