کراچی میں کچرے کے ساتھ اسموگ بھی شامل ہوگیا، زرتاج گل

وزیر مملکت برائے موسمیاتی تبدیلی زرتاج گل کا کہنا ہے کہ بدقسمتی سے کراچی دنیا کے 10 آلودہ ترین شہروں میں شامل ہوچکا ہے،کراچی میں کچرے کے ساتھ اسموگ بھی شامل ہوگیا ہے۔

وزیر مملکت موسمیاتی تبدیلی زرتاج گل نے میڈیا سے گفتگو میں کہا کہ لاہور اسموگ سے سب سے زیادہ متاثر ہے،دہلی کی اسموگ کے باعث لاہور سمیت جنوبی علاقے متاثر ہو رہے ہیں،بھارت کے ساتھ بات چیت میں اسموگ کا مسئلہ بھی لانا ہوگا۔

انہوں نے مزید کہا کہ پنجاب میں بھٹوں پر 30 دسمبر تک پابندی عائد کی ہے، فصلیں جلانے والوں پر مقدمات قائم کیے گئے ہیں، دھواں چھوڑنے والی گاڑیوں پر اب تک 50 لاکھ جرمانہ عائد کیا جا چکا ہے۔

کراچی کی فضا میں آلودگی خطرناک حد تک بڑھ گئی

ماحولیاتی آلودگی ناپنے والے انڈیکس نے کراچی کی...

خیبرپختونخوا کے شہید ایس پی طاہر داوڑ سے متعلق زرتاج گل کا کہنا تھا کہ طاہر داوڑ کے واقعہ کو سیاست کی نذر نہ کیا جائے، دو گھنٹے ہمارے وفد کو کھڑا رکھا گیا، افغانستان کی اس سیاست نے ہمارا دل دکھایا ہے۔

وزیر مملکت کا مزید کہنا تھا کہ بدقسمتی سے ہم نے اپنا اچھا آفیسر کھو دیا ہے، اس واقعہ کو صرف اغوا اور قتل کے تناظرمیں نہ دیکھا جائے، یقین ہے کہ وزارت داخلہ اس کی تہہ تک پہنچ چکی ہوگی اور عوام کو آگاہ کرے گی۔