ہمیں اپنے مفادات کو دیکھنا ہے، شہریار آفریدی

20 نومبر ، 2018

وزیر مملکت برائے داخلہ شہریار آفریدی نے کہا ہے کہ ہم نے یہ نہیں دیکھنا کہ دنیا کیا کہہ رہی ہے بلکہ ہمیں اپنے مفادات کو دیکھنا ہے۔

اسلام آباد میں میڈیا سے بات کرتے ہوئے وزیرمملکت کا کہنا تھا کہ ہم نے دہشت گردی کے خلاف جنگ میں قربانیاں دی ہیں،اس کے نتائج سامنے آنے چاہئیں، ہر حکمران اور ریاست کو اپنی سوچ اور بات کہنے کی آزادی ہے۔

شہریار آفریدی کا کہنا ہے کہ ہم نے دنیا اور انسانیت کو باور کرانا ہے کہ ہماری قربانیاں رائیگاں نہیں جائیں گی۔

پاکستان میں انٹرنیشنل کرکٹ کی بحالی کے حوالے سے شہریار آفریدی کا کہنا تھا کہ کہ پاکستان سپر لیگ (پی ایس ایل) سمیت تمام انٹرنیشنل کرکٹ پاکستان واپس آئے گی، عالمی کرکٹ کو واپس لانا حکومت کی ترجیح ہے، ہم اس کے لیے تمام اقدامات کررہے ہیں۔

تازہ ترین