آپ آف لائن ہیں
جنگ ای پیپر
پیر9؍ربیع الثانی 1440ھ 17؍دسمبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی (نیوز ڈیسک) کمشنر کراچی افتخار شالوانی کی زیر صدارت ایک اجلاس میں شہر کو خوبصورت بنانے کے لئے مختلف اقدامات کا فیصلہ کیا گیا ہے۔ اس سلسلے میں شہر کے مختلف علاقوں کی عمارتوں پررنگ و روغن کرنے اور سامنے کے حصہ کو مختلف رنگوں اور ان کی بالکونیوں کو سرسبز بنانے کے اقدامات کئے جائیں گے۔ ایئرپورٹ جانے اور آنے والے راستوں کو اور ایئرپورٹ سے شہر میں داخل ہونے کے راستے کو بھی خوبصورت بنایا جائے گا۔ اجلاس میں عمارتوں کی دیکھ بھال کے حوالے سے متعلقہ اداروں کے کردار کا جائزہ لیا گیا۔ فیصلہ کیا گیا سماجی ذمہ داری کا کام کرنے والے نجی اداروں کا تعاون حاصل کیا جائے گا۔ عمارتوں کی ایسوسی ایشنز اور مالکان کو راغب کیا جائے گا، متعلقہ ادارے ان سے رجوع کریں گے اور پابند کریں گے کہ وہ اپنی عمارتوں کی دیکھ بھال کریں۔

Chatاپنی رائے سے آگاہ کریں