آپ آف لائن ہیں
جنگ ای پیپر
ہفتہ 7؍ربیع الثانی 1440ھ 15 ؍دسمبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فاروق ستار نے میئر کراچی وسیم اختر کو تنقید کا نشانہ بناتے ہوئے کہا کہ انہیں کراچی بنانے کا ووٹ ملا تھا برباد کرنے کا نہیں، جبکہ وسیم اختر کا کہنا ہے کہ فاروق ستار نے ایم کیو ایم کو تباہ کیا ہے۔

انسداد دہشت گردی کی عدالت کے باہر میڈیا سے گفتگو میں ڈاکٹر فاروق ستار نے کہا کہ عدالتی احکامات کے آڑ میں لوگوں کو بےروزگار کیا جا رہا ہے اور لوگوں سے ان کا کاروبار چھینا جا رہا ہے۔

انہوں نے کہا کہ کراچی میں 5 لاکھ افراد متاثر ہوئے ہیں، اب وسیم اختر کراچی سے ووٹ لے کر دکھائیں ، ان کا کہنا تھا کہ سپریم کورٹ کے حکم پر صرف قبضہ ہٹائیں۔

دوسری جانب میئر کراچی وسیم اختر نے فاروق ستار کی تنقید کا جواب دیتے ہوئے کہا کہ اگر انہوں نے کراچی کو برباد کیا تو فاروق ستار نے ایم کیو ایم کو تباہ کیا ہے ۔

ان کا کہنا تھا کہ کے ایم سی کی کرائے پر دی گئی دکانیں توڑی گئیں ہیں، تجاوزات آپریشن سے متعلق فیصلہ سپریم کورٹ کو کرنا ہے۔

اس موقع پر رہنما ایم کیو ایم عامر خان بولے کہ فاروق ستار ایم کیو ایم کا اب حصہ نہیں، ان کی کسی بات کے جوابدہ نہیں، فاروق ستار ایم کیو ایم کا نام اور جھنڈا استعمال کرنا بند کریں۔

عامر خان نے کہا کہ وہ چیف جسٹس پاکستان کے سامنے کراچی کا مقدمہ رکھیں گے۔

Chatاپنی رائے سے آگاہ کریں