’ٹرمپ کو عمران خان نے بہت اچھا جواب دیا‘

08 دسمبر ، 2018

مسلم لیگ ن کے رہنما مفتاح اسماعیل نے کہا ہے کہ امریکی صدر کے بیان پر وزیراعظم عمران خان نے بہت اچھا جواب دیا۔

جیونیوز سے گفتگو اور آئی بی اے کراچی میں تقریب سے خطاب میں مفتاح اسماعیل نے کہا کہ امریکا سمجھ رہا ہے پاکستان پر دباؤ ڈال کر مسئلہ حل ہوگا تو یہ ممکن نہیں۔

انہوں نے کہا کہ امریکا کا پرانا اصول ہے ڈو مور، ہم اور کتنا مور کریں؟ عوام کا حکومت کی 100 روزہ کارکردگی پر ردعمل آ چکا ہے، حکومت کو خود نہیں پتاکہ کیا کرنا ہے، ڈالر کی قدر کبھی بڑھ رہی ہے کبھی گھٹ رہی ہے۔

ن لیگی رہنما نے مزید کہا کہ غریبوں کو مرغی دینے کا پائلٹ پراجیکٹ شہباز شریف نے شروع کیا تھا، سمجھ نہیں آتا پاکستان کہا ں جا رہا ہے، مرغی اور انڈے سے غربت ختم نہیں ہوگی، پاکستان کے پاس بہترین پولٹری فارم موجود ہیں،حکومت کو کچھ اور اقدامات کرنے چاہیے۔

آئی بی اے میں منعقدہ تقریب میں شدت پسندی سے آگے، القاعدہ سے کیا سبق ملتا ہے،ہم کہاں ہیں،اسلام اور لبرل ازم کے ساتھ ساتھ دیگر موضوعات پر مقررین نے خیالات کا اظہار کیا۔

تقریب میں مشہور شاعرہ فہمیدہ ریاض کو بھی خراج عقیدت پیش کیا گیا،طالبعلموں کے ساتھ مختلف شعبہ ہائے زندگی سے تعلق رکھنے والوں نے بھی شرکت کی اور مقررین سے سوالات کئے۔

تازہ ترین