اینی میٹڈ فلم ’رالف بریکس دا انٹرنیٹ‘ کا راج برقرار

نارتھ امریکن باکس آفس پر اس ہفتے بھی سرفہرست فلموں کی پوزیشن میں کوئی تبدیلی نہیں ہوئی، باکس آفس پر اینی میٹڈ فلم ’رالف بریکس دا انٹر نیٹ‘ کا راج برقرار ہے۔

ڈزنی کی اینی میٹڈ فلم نے ویک اینڈ پر 2 ارب 23 کروڑ روپے سے زائد رقم کما کر سب کو مات دے دی ہے جبکہ معمولی سے فرق کے ساتھ ایک اور اینی میٹڈ فلم دا گِرنچ ،دوسرے نمبر پر رہی جس نے 2 ارب 17 کروڑ روپے سے زائد کا بزنس کیا۔

راکی سیریز کی فلم باکسنگ ڈراما کریڈ ٹو بدستور تیسری پوزیشن پر ہے، فلم نے ویک اینڈ پر ایک ارب 43 کروڑ روپے کمائے۔

نارتھ امریکن باکس آفس پر چوتھا نمبر فینٹاسٹک بیسٹس: دا کرائمز آف گِرنڈ والڈ کا رہا جس نے 94 کروڑ روپے سے زائد کا بزنس کیا۔