زرداری اور فریال کی عبوری ضمانت میں توسیع

10 دسمبر ، 2018

کراچی کی بینکنگ کورٹ میں میگا منی لانڈرنگ اسکینڈل کیس کی سماعت ہوئی۔

عدالت نے سابق صدر اور پیپلز پارٹی کے شریک چیئرمین آصف علی زرداری اور ان کی ہمشیرہ فریال تالپور سمیت دیگر ملزمان کی عبوری ضمانتوں میں 21 دسمبر تک توسیع کر دی۔

بینکنگ کورٹ نے میگا منی لانڈرنگ کیس کی سماعت 21دسمبر تک ہی ملتوی کر دی۔

س سے قبل میگا منی لانڈرنگ اسکینڈل کیس کی سماعت کے موقع پر سابق صدر اور پیپلز پارٹی کے شریک چیئرمین آصف علی زرداری اور ان کی ہمشیرہ فریال تالپور کراچی کی بینکنگ کورٹ پہنچے۔

بینکنگ کورٹ میں آج میگا منی لانڈرنگ اسکینڈل کیس کی سماعت کے موقع پر سابق صدر آصف زرداری، فریال تالپور اور دیگر کی عبوری ضمانت کا آج آخری دن تھا۔

کیس میں آصف زرداری، فریال تالپور، انور مجید، عبدالغنی مجید، حسین لوائی، حسین لوتھا، انور مجید کے صاحبزادے و دیگر نامزد

ملزمان کے خلاف بوگس اکاؤنٹ کے ذریعے اربوں روپے کی منی لانڈرنگ کا الزام ہے۔

کیس میں آصف زرداری ،فریال تالپور ،انور مجید کے بیٹے نمر مجید، ذوالقرنین اور علی مجید بھی عبوری ضمانت پر ہیں جبکہ انور مجید، عبدالغنی مجید، حسین لوائی اور طحہٰ رضا گرفتار ہیں۔

تازہ ترین