پاک فوج کی جانب سے شہدا آرمی پبلک کیلئے خصوصی تقریب

آرمی پبلک اسکول کے شہدا اور غازیوں کو خراج تحسین پیش کرنے کے لیے پاک فوج نے تقریب کا انعقاد کیا۔

آئی ایس پی آر کے مطابق تقریب کا آغاز قومی ترانے اور شہدا کے لیے خصوصی دعا سے کیا گیا۔ پاک فوج کے دستے نے گارڈ آف آنر پیش کیا۔

گورنر خیبر پختونخوا شاہ فرمان نے یادگار شہدا پر پھول چڑھائے اور فاتحہ خوانی کی اور شہدا کے لواحقین سے ملاقات کی۔

ان کا کہنا تھا کہ قوم شہدا کے لواحقین کے شانہ بشانہ کھڑی ہے، سانحہ اے پی ایس نے قوم کو دہشت گردی کے خلاف متحد کیا۔

تقریب میں کورکمانڈر پشاور لیفٹیننٹ جنرل شاہین مظہر نے بھی شرکت کی۔