آپ آف لائن ہیں
جنگ ای پیپر
منگل19؍ذیقعد 1440ھ 23؍جولائی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاہور کے جناح اسپتال کے گرلز ہاسٹل میں ایک لیڈی ڈاکٹر عروشا نورین پرسرار طور پر کمرے میں مردہ پائی گئی۔ محکمہ صحت کے ترجمان مطابق واقعہ بظاہر خودکشی لگتا ہے۔

جناح اسپتال کے ایم ایس ڈاکٹر عاصم کے مطابق ڈاکٹر ایم ایس گائنی کی اسٹوڈنٹ تھیں، روٹیشن پر سرجیکل یونٹ ون میں کام کررہی تھیں،گجرات کی رہائشی ڈاکٹر عروشا کی موت کی وجہ معلوم نہیں ہوسکی جبکہ عروشا کے والدین لاہور پہنچ گئے جنہوں نے بیٹی کا پوسٹمارٹم کرانے سے انکار کردیا۔

اسپتال کی ڈی ایم ایس ڈاکٹر عروج نے بتایا کہ ڈاکٹر عروشا کی لاش کے قریب سے ایک انجکشن بھی ملا ہے جبکہ محکمہ صحت کے ترجمان کے مطابق ڈاکٹر کی ہلاکت بظاہر خودکشی لگتی ہے تاہم تحقیقات کے بعد ہی موت کا سبب معلوم ہو پائے گا۔

وزیر صحت پنجاب ڈاکٹر یاسمین راشد نے ڈاکٹر کی پراسرار موت کے واقعہ کا نوٹس لے کر ایم ایس جناح اسپتال کو واقعے کی تحقیقات کی ہدایت کی ہے۔

Chatاپنی رائے سے آگاہ کریں