آپ آف لائن ہیں
جنگ ای پیپر
بدھ 15؍ شوال المکرم 1440ھ 19؍جون 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فرخ سبزواری، سکیورٹیز اینڈ ایکس چینج کمیشن کے نئے سربراہ مقرر

وفاقی حکومت نے فرخ سبزواری کو سکیورٹیز اینڈ ایکس چینج کمیشن کا نیا سربراہ مقرر کر دیا ہے، اس سے پہلے وہ بی ایم اے کیپیٹل منیجمنٹ کے چیف ایگزیکٹو افسر رہ چکے ہیں جو پاکستان کی بڑی فائنانشل سروسز کمپنیوں میں سے ایک ہے۔

فرخ سبزواری نے سات برسوں تک کریڈٹ سوئس سیکیورٹیز سنگاپور میں ذمہ داریاں سنبھالیں۔ وہ اس ادارے میں دو ہزار سترہ تک ڈائریکٹر رہے۔ اس سے پہلے وہ کے اے ایس بی سیکیورٹیز کے سی ای او تھے جس کی میرل لنچ سے پاکستان میں شراکت تھی۔ یہاں وہ چار سال رہے۔ انھوں نے سی ایل ایس اے نامی انوسٹمنٹ فرم میں بھی آٹھ سال گزارے۔

وفاق کابینہ نے ایس ای سی پی کے چیئرمین کے لیے جمعرات کو انکے نام کی منظوری دی،فرخ سبزواری اس سے قبل اہم مالی اور کیپیٹل منیجمنٹ کے اداروں میں فرائض انجام دے چکے ہیں ۔دریں اثنا وزیراعظم عمران خان کی زیر صدارت اجلاس میں اسٹیل مل کیلئے ضمنی گرانٹ کی منظوری دی گئی ، اور ایف آئی اے کے لیے پانچ کروڑ روپےکی خصوصی گرانٹ کی منظوری بھی دی گئی،جبکہ موبائل فون کمپنیوں کےلائسنس کی تجدید کے لیے طریقہ کار بھی وضع کردیا گیا۔

Chatاپنی رائے سے آگاہ کریں