آپ آف لائن ہیں
جنگ ای پیپر
منگل12؍ذیقعد 1440ھ 16؍جولائی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکی صدر ڈونلڈ ٹرمپ کی بیٹی ایوانکا اور ان کے داماد جیئرڈ کشنر کی دولت کا تخمینہ ایک ارب دس کروڑ ڈالر لگایا گیا ہے ۔

ایوانکا ٹرمپ اور ان کے شوہر جیئرڈ کشنر رئیل اسٹیٹ کے کاروبار سے وابستہ نیو یارک کی دو معروف فیملیز سے تعلق رکھتے ہیں ۔


صدارتی انتخاب میں ٹرمپ کی کامیابی کے بعد واشنگٹن آنے سے پہلے ہی وہ متاثر کن گھروں اور عادتوں کے مالک تھے ۔

وائٹ ہاؤس میں یہ جوڑا بطور مشیر کام کرنے کی کوئی تنخواہ نہیں لیتا ، صدر ٹرمپ کے دورِ صدارت کے پہلے سال میں ان کی مبینہ آمدنی کم از کم آٹھ کروڑ تیس لاکھ ڈالر رہی ۔

رپورٹ کے مطابق ذرائع کا کہنا ہے کہ ایوانکا ٹرمپ کی خالص دولت کا تخمینہ تیس کروڑ ڈالر ہے جبکہ جیئرڈ کشنر کی خالص دولت اسی کروڑ ڈالر کے لگ بھگ ہوسکتی ہے ۔ جہاں تک اخراجات کی بات ہے تو ایوانکا اور جیئرڈ کشنر واشنگٹن کے علاقے کیلو راما میں سات ہزار مربع فٹ مکان کے کرائے کی مد میں ماہانہ پندرہ ہزار ڈالر ادا کرتے ہیں ۔

واشنگٹن آنے سے پہلے ان کی رہائش گاہ نیویارک میں ٹرمپ بلڈنگ میں چار بیڈ روم کا پینٹ ہاوس تھا ، توقع ہے کہ وائٹ ہاوس سے ان کی واپسی یہیں ہوگی ۔

دستاویزات سے ظاہر ہوتا ہے کہ ایوانکا اور کشنر کے پاس موجود آرٹ کلیکشن کی مالیت ڈھائی کروڑ ڈالر ہے ۔

یہ جوڑا نہ صرف فلاحی کاموں کے لیے بھی وقتاً فوقتاً رقم عطیہ کرتا رہتا ہے بلکہ سیر و تفریح خصوصاً اسکینگکا بھی شوقین ہے ۔

Chatاپنی رائے سے آگاہ کریں