BPL میں شرکت کیلئے قومی کرکٹرز ڈھاکا روانہ

پاکستانی کرکٹرز کی بنگلا دیش پریمئیر لیگ میں شرکت کے لیے ڈھاکاروانگی کا سلسلہ شروع ہوگیا ہے۔

بنگلا دیش پریمئیر لیگ 5 جنوری سے شروع ہو گی، جبکہ فائنل 8 فروری کو کھیلا جائے گا، بی پی ایل میں متعدد پاکستانی کرکٹرز بھی ایکشن میں دکھائی دیں گے۔

محمد عرفان، عامر یامین، محمد سمیع، محمد حفیظ اور سہیل تنویر بنگلا دیش روانہ ہو گئے ہیں ، محمد حفیظ اور محمد سمیع راج شاہی کنگز کی نمائندگی کریں گے۔

عامر یامین کا کومیلا وکٹورینز کے ساتھ معاہدہ طے ہے ،جبکہ محمد عرفان اور سہیل تنویر سہلیٹ سکسرز کی نمائندگی کریں گے ۔

سابق کپتان شاہد آفریدی اور شعیب ملک بھی اس ایونٹ میں ایکشن میں دکھائی دیں گے۔