آپ آف لائن ہیں
جنگ ای پیپر
منگل 15 ؍جمادی الاوّل 1440ھ22؍جنوری 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی میں سی این جی اورایل پی جی سلنڈر لگی ان فٹ اسکول وینز کےخلاف ٹریفک پولیس نے آپریشن شروع کر دیا ہے جس کے خلاف اسکول وین ڈرائیورزایسوسی ایشن نے آج ہڑتال کر رکھی ہے۔

کراچی میں ٹریفک پولیس نے ان فٹ وینز اور ناقص سلنڈرز لگی وینز کے خلاف چالان کیے، گاڑیاں ضبط کیں تو وین ڈرائیورز غصے میں آگئے اور انہوں نے آج بچوں کو اسکول ڈراپ کرنے سے انکار کر دیا۔

ڈرائیوز کا کہنا ہے کہ آج بچوں کو اسکول سے پک اینڈ ڈراپ نہیں کریں گےجبکہ لکی اسٹار سے پریس کلب تک احتجاجی ریلی نکالی جائے گی۔

اسکول وین ڈرائیورزایسوسی ایشن کے رہنمائوں نے کہا کہ ٹریفک پولیس ڈرائیورز کو ہراساں اور پکڑ دھکڑ کررہی ہے،مہنگائی کے دور میں گاڑیاں پیٹرول پر نہیں چلاسکتے۔

دوسری جانب بچوں کے والدین پریشان ہیں کہ بچوں کو اسکول پہنچنے میں مشکلات پیش آرہی ہیں ، والدین کا کہنا ہے کہ بچوں کو اسکول کون چھوڑے گا اور کون واپس گھر لائے گا ؟وہ دفتر جائیں یا یہ کام کریں ؟

واضح رہے شہر کے بیشتر اسکولوں میں وینزمعمول کے مطابق چل رہی ہیں ۔

Chatاپنی رائے سے آگاہ کریں