آپ آف لائن ہیں
جنگ ای پیپر
ہفتہ15؍ رجب المرجب 1440ھ 23؍مارچ2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پنجاب کے وزیر اطلاعات فیاض الحسن چوہان نے کہا ہےکہ نوازشریف کےبعد زرداری، مولانا فضل الرحمان، اسفندیار ولی سب کا نمبر آنے والا ہے، جو جھاڑو آپ نے قومی خزانے پر پھیری ہے ہلکا سا اب اپنے کمرے میں بھی پھیردیں۔

لاہور میں میڈيا سے گفتگوکرتے ہوئےصوبائی وزیر اطلاعات نے کہا کہ ان سب کوجیل میں جھاڑولگانی اور چکی چلانی پڑے گی،عدالتیں، نیب ہر کسی کو بلاسکتی ہے یہ نہیں کہنا چاہیے کہ یہ ہماری توہین ہے۔

فیاض الحسن چوہان نے کہا کہ عمران خان کا ساڑھے تین یا چار گھنٹے ہیلی کاپٹر کا سفر ہے،وزیر اعظم کے ہیلی کاپٹر کے سفر کا موازنہ نوازشریف اور زرداری کی کرپشن سے نہیں ہوسکتا۔

انہوں نے کہاکہ جب دیگر ممالک نے دیکھا کہ دیانت دار قیادت آئی ہے تو انہوں نے اپنے خزانے کا منہ کھول دیا،اب ان ممالک کو یقین ہوگیا کہ یہ پیسامنی لانڈرنگ سے باہر نہیں بھیجیں گے۔

Chatاپنی رائے سے آگاہ کریں