آپ آف لائن ہیں
جنگ ای پیپر
منگل12؍ذیقعد 1440ھ 16؍جولائی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بیرون ملک مقیم پاکستانیوں کی جانب سے بھیجا جانے والا زرمبادلہ سب سے زیادہ بچوں کی تعلیم پر خرچ ہوتا ہے۔ زرمبادلہ کی بدولت ناصرف ملک بھر کے ساڑھے سات لاکھ بچے اچھے اسکولوں میں زیرتعلیم ہیں بلکہ اس زرمبادلہ کا بڑا حصہ کتابوں اور تعلیمی اشیاء تک رسائی پر خرچ کیا جاتا ہے۔

اس بات کا انکشاف ڈیجیٹل منی ٹرانسفر کرنے والی سروس’ ورلڈ ریمٹ‘کی جانب سے کیا گیا ہے۔

دنیا بھر میں پاکستان دنیا کے ان دس سرفہرست ممالک میں شامل ہے جہاںگزشتہ سال یعنی 2018ء کے دوران 21 ارب روپے سے زیادہ کی غیر ملکی ترسیلات زر وصول کی گئیں۔

یہ نتائج یونیسکو، عالمی بینک اور پاکستان کے تازہ ترین قومی ہاؤس ہولڈ سروے میں شائع شدہ ڈیٹا سے اخذ کیے گئے ہیں۔

نتائج کے مطابق دنیا کے کم اور اوسط آمدنی والے ممالک میں تقریباً 220 ملین بچے اسکول نہیں جاتے۔ان 220ملین بچوں میں سے 19 ملین بچے پاکستان میں رہتے ہیں جس کی وجہ سے پاکستان کا شمار ان ملکوں میں ہوتا ہے جہاں اسکول نہ جانے والے بچوں کی تعداد دنیا بھر میں سب سے زیادہ ہے۔

نتائج کے مطابق ایسے گھرانے جہاں غیر ملکی ترسیلات زر موصول ہوتی ہیں وہاں بچے غیر تعلیمی سرگرمیوں پر کم وقت صرف کرتے ہیں جس سے انہیں تعلیمی سرگرمیوں کے لیے زیادہ وقت میسر آتا ہے۔

Chatاپنی رائے سے آگاہ کریں