آپ آف لائن ہیں
جنگ ای پیپر
جمعرات17؍جمادی الاوّل 1440ھ 24؍جنوری2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بالائی علاقوں اور پہاڑوں پر برفباری،کاغان میں15سالہ ریکارڈ ٹوٹ گیا


اسلام آباد (نمائندہ جنگ،ایجنسیاں)ملک کے بالائی علاقوں اور پہاڑوں پر شدید برفباری کا سلسلہ اتوار کو بھی وقفے وقفے سے جاری رہا، وادی کاغان میں برفباری کا 15 سالہ ریکارڈ ٹوٹ گیا ، مواصلاتی نظام درہم برہم ، سڑکوں پر شدید ٹریفک جام مری انتظامیہ نے سیاحوں کو واپس بھیجنے کا الرٹ جاری کردیا میڈیا رپورٹس کے مطابق وادی کاغان کے شوگراں، بھونجہ اور ناران میں چار فٹ سے زائد برفباری ہوئی جس کے باعث مواصلاتی نظام درہم برہم ہوگیا اور درجہ حرارت منفی 7 تک ریکارڈ کیا گیا ہے، شدید پھسلن سے شاہراہ ریشم سمیت متعدد سڑکوں پر ٹریفک کی روانی معطل ہوگئی ، بعض علاقوں میں بجلی بند بھی ہوگئی،ملکہ کوہسار مری میں بھی برفباری کے باعث اکثر سڑکیں بند ہوچکی ہیں اور شدید ٹریفک جام ہوگیاہے جس کے باعث گاڑیوں کی میلوں تک لمبی قطار لگ گئیں اور سیاح پھنس گئے ہیں، ذرائع کے مطابق سڑکوں پر رش اور ٹریفک جام کے باعث مشینری سے برف کی صفائی میں مشکلا ت پیش آرہی ہیں،مری انتظامیہ نے سیاحوں کو ٹول پلازہ، جھیکا گلی اور لوہرٹوپہ سے ہی واپس بھیجنے کا الرٹ جاری کردیا ہے جس پر سیاحوں کی جانب سے غصے کا اظہار کرتے ہوئے کہا گیاکہ انتظامیہ اپنی نااہلی چھپانے کیلئے سیاحوں کو واپس بھیج رہی ہے۔

Chatاپنی رائے سے آگاہ کریں