ہر سال کی طرح اس سال بھی جنوبی کوریا کے سرد ترین علاقے Hwacheonکاؤنٹی میں سالانہ آئس فیسٹیول کا آغاز ہوچکا ہے جو کہ ستائیس جنوری تک جاری رہے گا۔
سالانہ آئس فیسٹیول کے موقع پر آئس فشنگ ٹورنامنٹ کا انعقاد کیا جارہا ہے جس میں ملک بھر سے آئے ہزاروں افراد حصہ لے رہے ہیں۔
5جنوری سے باقاعدہ طور پر شروع ہونے والے اس فیسٹیول میں آئس فشنگ ، اسکیٹنگ اورآئس سلیڈنگ سمیت 30مختلف مقابلوں کا بھی انعقاد کیا جائیگا۔27جنوری تک جاری رہنے والے اس فیسٹیول میں منتظمین 10لاکھ افراد کی شرکت کی توقعات ظاہر کررہے ہیں۔