آسٹریلین اوپن میں نوواک جوکووچ نے جو ولفریڈ سونگا کو ہرا کر تیسرے راؤنڈ میں جگہ بنالی۔
جرمنی کے ایلگزینڈر زیوریو بھی کامیابی حاصل کرکے اگلے مرحلے میں پہنچ گئے۔
میلبورن میں جاری ایونٹ میں جوکووچ نے وائلڈ کارڈ انٹری کے ذریعے آسٹریلین اوپن کھیلنے والے فرنچ پلیئر سونگا کو اسٹریٹ سیٹ میں چھ تین، سات پانچ اور چھ چار سے شکست دی۔
ایک اور میچ میں جرمنی کے ایلگزینڈر زیوریو نے فرانس کے جیریمی شارڈی کو پانچ سیٹ کے مقابلے کے بعد سات چھ، چھ چار، پانچ سات، چھ سات اور چھ ایک کے اسکور سے ہرایا۔