آپ آف لائن ہیں
جنگ ای پیپر
پیر 12؍جماد ی الثانی 1440ھ 18؍فروری 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گیس کی قلت سے نمٹنے کے اقدامات  کے لیے ایل این جی گیس لے کر دو بحری جہاز کراچی کی بندرگاہ پورٹ قاسم پر لنگرانداز ہو گئے۔

اس حوالے سے وفاقی وزیر بحری امور علی زیدی کا کہنا ہے کہ ملکی تاریخ میں پہلی بار ایل این جی لے کر دو جہاز بیک وقت لنگر انداز کرائے گئے ہیں۔

انہوں نے بتایا کہ پورٹ قاسم اتھارٹی پہلی بار رات کو بھی نیوی گیشن کا آغاز کرنے جا رہی ہے، یہ عمل دو ہفتے میں شروع کر دیا جائے گا۔

وفاقی وزیر بحری امور نے مزید بتایا کہ رات کو نیوی گیشن سے بندرگاہ پر رش سے نمٹا جا سکے گا۔

علی زیدی نے پورٹ قاسم اتھارٹی کی ٹیم کی کارکردگی کی تعریف بھی کی اور کہا کہ اس حوالے سے پورٹ قاسم پر تاریخ رقم ہوئی ہے۔

Chatاپنی رائے سے آگاہ کریں