میکسیکو پائپ لائن دھماکہ، ہلاکتوں کی تعداد 73 ہوگئی

میکسیکو میں پیٹرول کی پائپ لائن میں دھماکے اور آگ لگنے کے حادثے میں ہلاکتوں کی تعداد 73 ہوگئی۔

میکسیکن حکام کے مطابق آگ سے جھلسی ہوئی مزید لاشیں ملنے کے بعد ہلاکتوں میں اضافہ ہوا ہے۔ واقعے میں دیگر 74 افراد زخمی بھی ہوئے ہیں۔

واضح رہے پیٹرول پائپ لائن میں آگ لگنے کا واقعہ گزشتہ روز ملک کے وسطی علاقے میں پیش آیا تھا۔ پیٹرول چوری کرنے والوں نے پائپ لائن کو توڑ کر غیرقانونی نل لگایا ہوا تھا۔

دھماکے کے وقت بھی لوگ اس غیرقانونی نل سے پیٹرول نکالنے کے لیے جمع تھے۔