’’سانحہ ساہیوال کے ذمہ داران کو عبرت کا نشان بنا دینگے‘‘

وزیر مملکت برائے داخلہ شہر یار آفریدی نے کہا ہے کہ قوم دیکھے گی کہ سانحہ ساہیوال کے ذمہ داران کو عبرت کا نشان بنایا جائے گا۔

شہریار آفریدی نے اس حوالے سے ایک بیان میں کہا ہے کہ سانحہ ساہیوال کی تحقیقات قوم کے سامنے لائی جائیں گی، شام تک جے آئی ٹی رپورٹ کا انتظار کریں۔

وزیرمملکت برائے داخلہ نے مزید کہا کہ قانون کسی کو بھی نہتے لوگوں اور بچوں کو گولیوں کا نشانہ بنانے کی اجازت نہیں دیتا ہے۔

انہوں نے یہ بھی کہا کہ سانحہ ساہیوال میں انصاف کے حصول میں پاکستان کا میڈیا آنے والی نسلوں کے لیے مثال قائم کرے گا۔