’پانچ ماہ میں کرپشن کا ایک اسکینڈل بھی سامنے نہیں آیا‘

وزیراعظم عمران خان نے کہا ہے کہ پانچ مہینے ہوگئے ہیں کرپشن کا ایک بھی اسکینڈل سامنے نہیں آیا۔

دو حہ میں پاکستانی کمیونٹی سے خطاب میں عمران خان نے کہا کہ منی لانڈرنگ کرنے والوں کے ساتھ میری جنگ ہے ۔

ان کا کہنا تھا کہ آپ کو پتا ہے مجھے پریشر میں کھیلنا آتا ہے، پاکستان کو مشکل وقت سے نکالیں گے۔

عمران خان نے مزید کہا کہ پاکستان کا خسارہ بہت زیادہ ہے،بیرون ملک مقیم پاکستانیوں کی ترسیلات زرسے ملک چل رہا ہے۔

وزیراعظم نے یہ بھی کہا کہ وہ وقت جلد آئے گا جب نوکریاں ڈھونڈنے ملک سے باہر نہیں جانا پڑے گا۔

انہوں نے اپنے دورے کے دوران قطری سرمایہ کاروں سے ملاقاتیں کی اور انہیں پاکستان میں سرمایہ کاری کی دعوت دی۔

اس سے قبل عمران خان کی شاہی محل دیوان امیر پہنچنے پر امیر قطر شیخ تمیم بن حمد الثانی نے ان کا استقبال کیا۔

ملاقات کے دوران دو طرفہ تعلقات کی مضبوطی، خطے کی سلامتی اور افغان امن عمل پر بات چیت کی۔

+