’کلبھوشن کو زندہ پکڑا جاسکتا ہے تو ذیشان کو کیوں نہیں؟‘

22 جنوری ، 2019

سانحہ ساہیوال میں جاں بحق ڈرائیور ذیشان کی اہلیہ نے استفسار کیا کہ بھارتی جاسوس کلبھوشن جادیو کو زندہ گرفتار کیا جاسکتا ہے تو میرے شوہر کو کیوں نہیں کیا گیا؟

جیو نیوز کے پروگرام کیپٹل ٹاک میں میزبان حامد میر سے گفتگو میں ذیشان کی اہلیہ نے کہا کہ اگر شوہر مطلوب تھا یا ان کیخلاف کوئی مقدمہ درج تھا تو وہ پہلے سامنے کیوں نہیں لایا گیا۔

پروگرام میں اظہار خیال کرتے ہوئے سابق وزیر قانون پنجاب رانا ثنا اللہ نے کہا کہ ذیشان ایک بے گناہ اور معصوم شہری جسے ناحق قتل کیا گیا اور یہ بات ثابت ہوچکی ہے۔

ان کا مزید کہنا تھا کہ اس قوم کا ضمیر زندہ ہے کل 22 کروڑ پاکستانی اس فیملی کے ساتھ کھڑے ہوں گے۔