چوتھا ون ڈے ، جنوبی افریقا کا پاکستان کو 165 کا ہدف

جوہانسبرگ میں کھیلے جانے والے  چوتھے ایک روزہ میچ میں جنوبی افریقا نے پاکستان کو  165 رنز کا ہدف دیا ہے۔

چوتھے میچ میں جنوبی افریقا نے پاکستان کی دعوت پر پہلے بیٹنگ کی تو  آغاز  مایوس کن رہا لیکن کپتان فاف ڈوپلیسی اور ہاشم آملہ کی  شراکت نے ٹیم کو سہارا دیا،پوری ٹیم 41 اوورز میں 164 رنز بناکر آئوٹ ہوگئی۔

ابتدائی وکٹیں جلد گرنے کے بعد ہاشم آملہ اپنے کپتان  کے ساتھ ٹیم کو مشکلات سے نکالنے میں کامیاب رہے، دونوں نے نصف سنچریاں اسکور کیں، ڈوپلیسی اور ہاشم آملہ نے101 رنز کی شراکت قائم کی۔

پاکستان کی جانب سے عثمان شنواری نے 4، شاہین شاہ آفریدی 2، محمد عامر، عماد وسیم اور شاداب خان نے1،1 وکٹ حاصل کی۔