• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اکشے کمارکو پاکستانی مداحوں سے محبت مہنگی پڑگئی

تازہ ترین
انٹرٹینمنٹ
31 جنوری ، 2019
اکشے کمارکو پاکستانی مداحوں سے محبت مہنگی پڑگئی

بھارت میں پاکستان سے محبت کرنا یا پاکستانیوں کی تعریف کرنا کسی سے برداشت نہیں ہوتا اگر بھارتی فنکار پاکستان کے لیے اپنی محبت کا ذرا سا بھی اظہارکرلیں تو سوشل میڈیا پرانہیں شدید تنقید کا نشانہ بنایا جاتا ہے۔


جس کی سب سے بڑی مثال بالی ووڈ کنگ شاہ رخ خان ہیں جنہیں پاکستان سے متعلق بات کرنے پربھی غدار قراردے دیا جاتا ہے اوران سے فوراً بھارت سے نکل کر پاکستان منتقل ہونے کا مطالبہ کیا جاتا ہے۔

تاہم حال ہی میں اکشے کمارکی پاکستانی مداحوں سے محبت کے اظہارپربھارتیوں کی تنقید کا نشانہ بن گئے۔جی ہاں، بھارتی میڈیا رپورٹس کے مطابق اکشے کمار کی ایک پرانی ویڈیوان دنوں سوشل میڈیا پرخوب گردش کررہی ہے۔

جس میں وہ ایک انٹرویو میں پاکستانی مداحوں سے متعلق اپنی محبت کا اظہارکرتے ہوئے کہہ رہے ہیں پاکستان میں میری فلمیں سب سے زیادہ بزنس کرتی ہیں جتنا پیاروہاں سے ملتا ہے شاید ہی کہیں اورسے ملتا ہے۔

سوشل میڈیا صارفین کو اکشے کی پاکستان سے محبت ایک آنکھ نہ بھائی اور انہوں نے اکشے کمار کو آڑے ہاتھوں لیتے ہوئے ان پر تنقید کے تیربرسادئیے اور کئی نے ایکشن ہیرو کو دھکے مار کر ملک سے باہر بھیجنے تک کا کہہ دیا۔

تازہ ترین