دوسرا ٹی 20: پاکستان کا ٹاس جیت کر فیلڈنگ کا فیصلہ

03 فروری ، 2019

پاکستان نے جنوبی افریقا کے خلاف دوسرے ٹی 20 میچ میں ٹاس جیت کر فیلڈنگ کا فیصلہ کیا ہے۔

جوہانسبرگ میں کھیلے جارہے میچ میں ٹاس کےلئے پاکستانی کپتان شعیب ملک اور جنوبی افریقا کے نئے قائد ڈیوڈ ملر میدان میں اترے۔

دوسرے ٹی 20 میچ کے لئے پاکستان نے 1 اور جنوبی افریقا نے ٹیم میں 2 تبدیلیوں کا فیصلہ کیا،مہمان ٹیم میں فہیم اشرف کی جگہ شاہین شاہ آفریدی جبکہ میزبان ٹیم میں لوتھو سیپاملااور ملان کو فائنل الیون میں شامل کیا ہے۔

شعیب ملک نے اس موقع پر کہا کہ کوشش کریں گے کہ شروع میں ہی اٹیک کریں۔

انہوں نے مزید کہا کہ بارش کی پیشگوئی ہے اس لئے فیلڈنگ کا فیصلہ کیا،جنوبی افریقا کی وکٹیں جلد گرانے کی کوشش کریں گے۔

قومی کپتان نے اعتراف کیا کہ فیلڈنگ میں بہتری کی ضرورت ہے۔

تین ٹی20 میچوں کے سیریز میں جنوبی افریقا کو 1 صفر کی برتری حاصل ہے۔

یہ سیریز کا دوسرا میچ کے جب پاکستان نے ٹاس جیت کر فیلڈنگ کا فیصلہ کیا ہے،گزشتہ میچ میں گرین شرٹس کو دلچسپ مقابلے کے بعد 6 رنز سے شکست کا منہ دیکھنا پڑا تھا۔

تازہ ترین