بے بو ’دبنگ 3‘ کے آئٹم گانے پر جلوے بکھیریں گی

بالی ووڈ اداکارہ کرینہ کپور نے فلم ’دبنگ 2‘ کے شاندار آئٹم نمبر گانا ’فے ویکول‘ میں جلوے بکھیرے تھے اور اب اداکارہ ’دبنگ 3‘ کے بھی آئٹم گانے کے لیے پرفارم کریں گی۔

بے بو فلم ’دبنگ‘ کی تیسری فرنچائز کے آئٹم نمبر گانا’ فے ویکول سی گرل‘ پر جلوے بکھیریں گی۔

رپورٹ کے مطابق فلم ساز ارباز خان نے ’دبنگ 3‘ کا آئٹم نمبر گانے کے لیے کرینہ کپور کا ہی انتخاب کیا ہے اور وہ اس بار ’فے ویکول سی گرل‘ گانے پر زبردست رقص پیش کریں گی۔

’دبنگ3 ‘ کی تیاریاں شروع، شوٹنگ کا آغاز اپریل سے ہوگا

بالی ووڈ اداکارسلمان خان کی فلم دبنگ کی تیسری کڑی...

فلم ’دبنگ‘ میں ارباز خان کی سابق اہلیہ ملائیکا اروڑا نے ’منی بدنام ہوئی‘ آئٹم گانے پر جلوے بکھیرے تھے جسے مداحوں نے خوب پسند کیا تھا۔

بعدازاں ’دبنگ 2‘ کے آئٹم گانے ’فے ویکول‘ میں کرینہ کپور نے سب کو محظوظ کیا۔

واضح رہے کہ کرینہ کپور اس وقت نئی فلم ’گڈ نیوز‘ کی شوٹنگ میں مصروف ہیں جس میں وہ اداکار اکشے کمار کے ساتھ جلوہ گر ہوں گی۔