دبنگ خان ایک بار پھر بھارتی جاسوس بننے کے لیے تیار

09 فروری ، 2019

بالی ووڈ کے دبنگ اداکار سلمان خان نے آنے والی فلم میں ایک بار پھر بھارتی جاسوس بننے کی تیاری کرلی ہے۔

میڈیا رپورٹس کے مطابق بالی ووڈ سلطان سلمان خان فلم ’ایک تھا ٹائیگر‘ اور ‘’ٹائیگر زندہ ہے‘ کہ بعد ایک بار پھر جنوبی کورین تھرل فلم ’ویٹرن‘ کے بھارتی ری میک میں جاسوس کا کردار ادا کریں گے۔

بھارتی میڈیا کے مطابق رئیل لائف پروڈکشن ہاؤس نے فلم ’ویٹرن‘ کے اس ریمیک کے تمام حقوق جنوبی کورین سی جے پروڈکشن ہاؤس سے حاصل کرلیے ہیں۔

ایکشن سے بھرپور اس فلم میں سلمان خان مرکزی کردار ادا کریں گے۔

سلمان خان ان دنوں علی عباس ظفر کی ہدایت کاری میں بننے والی فلم ’بھارت‘ کی شوٹنگ میں مصروف جس میں اْن کے ساتھ کترینہ کیف کے علاوہ دیشا پٹانی، تبو، سنیل گروور بھی شامل ہیں،یہ فلم 2019 میں عید کے موقع پر سنیما گھروں کی زینت بنے گی۔

تازہ ترین