عالمی ریٹنگ ایجنسی موڈیز نے پاکستانی بینکوں کا آؤٹ لک منفی کردیا

بین الاقوامی ریٹنگ ایجنسی موڈیز نے پاکستانی بینکوں کا آوٹ لک مستحکم سے منفی کردیا ہے۔

رپورٹ کے مطابق پاکستانی بینکوں نے حکومتی بانڈز میں بہت رقم لگا رکھی ہے، اگلے ڈیڑھ سال تک بینکوں کو نچلی پروفائل کے سرکاری بانڈز کے چیلنج سے نمٹنا ہوگا۔

امریکی کریڈٹ ریٹنگ ایجنسی کے مطابق بینکوں کو سست معیشت میں کام کرنے میں مشکلات کا سامنا رہے گا تاہم کھاتے داروں کی جانب سے رقم جمع کروانے سے بینکوں کو فائدہ ہوتا رہے گا۔