خاتون کی تصاویر سوشل میڈیا پر شیئر کرنے والا گرفتار

پشاور سے ایف آئی اے سائبر کرائم سرکل نے سوشل میڈیا پر خاتون کی تصاویر شیئر کرنے والے نوجوان کو گرفتار کر لیا۔

ایف آئی اے سائبر کرائمز سرکل پشاور کی سب انسپکٹر ناہید بلال کو خاتون عالیہ نسیم نے شکایت درج کرائی کہ کسی شخص کی جانب سے سوشل میڈیا پر اس کی تصاویر اور دیگر مواد شیئر کیا جارہا ہے جوکہ نہ صرف اس کی بدنامی کا سبب بن رہا ہے بلکہ معاشرے میں اس کی تذلیل بھی ہورہی ہے۔

ایف آئی اے سائبر کرائمز سرکل کی ٹیم نے تفتیش کے دوران ملزم کا پتا لگایا اور ایک چھاپے کے دوران ملزم عرفان علی شاہ کو پشاور سے گرفتار کر کے اس کے قبضے سے موبائل فون اور دیگر اشیاء برآمد کرلیں۔