آپ آف لائن ہیں
جنگ ای پیپر
پیر18؍ ربیع الثانی 1441ھ 16 دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

کراچی میں چلتی تیز ہواؤں میں اضافے کا امکان

کراچی میں آج بھی تیز گرد آلود ہواؤں کا راج ہے، آئندہ 48 گھنٹو ں کے دوران مزید تیز ہوائیں چلنے کا امکان ہے۔

محکمہ موسمیات کے مطابق کراچی کے آج بھی گرد آلود تیز ہواؤں کی لپیٹ میں ہونے کی وجہ بلوچستان کے مغربی حصے میں ایران سے آنے والا بارش کا سسٹم ہے جس کے پریشر کے باعث کراچی میں تیز ہوائیں چل رہی ہیں۔

محکمہ موسمیات کا کہنا ہے کہ اس سسٹم سے تیز ہوائیں تو چلیں گی مگر شہر قائد میں بارش کا کوئی امکان نہیں ہے۔

محکمہ موسمیات نے مزید بتایا کہ شمال مشرقی علاقوں سے ہوائیں 40 سے 45 کلومیٹر فی گھنٹہ کی رفتار سے چل رہی ہیں اور ان کی رفتار میں مزید اضافے کا امکان ہے۔

یہ تیز ہوائیں کل تک چل سکتی ہیں، گرد آلود تیز ہواوں کے باعث فضائی معیار مضر صحت ہو گیا، فضا میں زہریلے اور مٹی کے ذرات کی مقدار159 پی ایم ہوگئی۔

ماہرین کہتے ہیں کہ اس دوران حساس افراد ماسک کا استعمال کریں اور گھروں کی کھڑکیاں بند رکھیں۔

قومی خبریں سے مزید