آپ آف لائن ہیں
جنگ ای پیپر
بدھ18؍شعبان المعظم 1440ھ24؍ اپریل 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مسلم لیگ ن کی ترجمان مریم اورنگ زیب نے وزیر اعظم عمران خان کے خطاب پر رد عمل میں کہا ہے کہ ‎آپ نے این آر او ون علیمہ باجی کو اور این آر او ٹو پاکستان کے سب سے بڑے ڈاکوؤں اور چوروں کو دے دیا ہے ۔

مریم اورنگزیب نے کہا کہ ‎کتنی دفعہ آپ کو یاد کرایا گیا کہ وزیراعظم کی کرسی پر بیٹھے ہیں، کنٹینر پر نہیں، اس لیے اپنی تقریر تو بدل لیں ۔

انہوں نے کہا کہ عمران صاحب آج تقریر میں سب سے پہلے آئی ایم ایف کے پاس جانے پر کم از کم معافی تو مانگتے۔

مریم اورنگزیب نے کہا کہ ‎عوام سے معافی مانگتے کہ چھ ماہ میں ان کی نااہلی اور نالائقی کی وجہ سے گیس اور بجلی کی قیمت میں دو گنا اضافہ ہوا۔

انہوں نے کہا کہ چھ مہینے میں ملک پر قرض میں سو ارب سے زائد کا اضافہ ہوگیا ہے،مہنگائی کی شرح دوگنی ہوگئی ہے۔

Chatاپنی رائے سے آگاہ کریں