ہانگ کانگ میں سالانہ لائٹ فیسٹیول کی رونقیں جاری

ہانگ کانگ میں سالانہ لائٹ فیسٹیول کی رونقیں جاری ہیں۔رات کی تا ریکی میں منعقد ہونے والے اس سالانہ فیسٹیول کیلئے شہر کی کئی مشہور عمارتوں کو ہزاروں رنگ برنگی لائٹوں سے سجا دیا گیا ہے ۔

فیسٹیول کے دوران مختلف عمارتوں پر روشنیوں کے ذریعے دلکش و دیدہ زیب نظارے اور اشکال تخلیق کیے جارہے ہیں جن سے عوام کی بڑی تعداد محظوظ ہوتی نظر آرہی ہے۔

اس موقع پرکئی ماہر فنکاروں کے تیار کردہ فن پاروں کو بھی لائٹوں سے سجایا گیا ہے جو دیکھنے والوں کی توجہ کا مرکز بنی ہوئی ہیں۔ یہ رنگا رنگ میلا24فروری تک جاری رہے گا ۔