راجن پور میں ڈاکوؤں کے دو گینگ لڑ پڑے، 4 ہلاک

پنجاب کے ضلع راجن پور کے کچے کے علاقے میں ڈاکوؤں کے دو گینگ میں فائرنگ کا تبادلہ ہوا ہے جس کے نتیجے میں 4 ڈاکو ہلاک ہو گئے۔

پولیس ذرائعکےمطابق راجن پور میں کچے کے علاقے چک بیلے شاہ میں عمرانی اور لوند گینگ کے ڈاکو آپس میں لڑپڑے۔

پولیس ذرائع کا مزید کہنا ہے کہ دوطرفہ فائرنگ سے 4 ڈاکو مارے گئے، جن میں درجنوں وارداتوں میں مطلوب ڈاکو وہاب لوند بھی شامل ہے۔

پولیس ذرائع کا یہ بھی کہنا ہے کہ ڈاکوؤں کی ایک دوسرے پر فائرنگ کے نتیجے میں ڈاکو وہاب لوند کا ایک ساتھی عمرانی گینگ کا ایک کارندہ بھی مارا گیا ہے۔