’’سرمایہ پاکستان سرٹیفکیٹس جاری کرینگے‘‘

وزیر خزانہ اسد عمر نے کہا ہے کہ نقصان میں چلنےوالے حکومتی اداروں کی بحالی کے لیے ہولڈنگ کمپنی قائم کر دی گئی ہے۔

سماجی رابطے کی ویب سائٹ ٹوئٹر پر اپنے بیان میں وزیر خزانہ نے مزید کہا ہے کہ یہ ہولڈنگ کمپنی سرمایہ پاکستان سرٹیفکیٹس جاری کرے گی۔

اسد عمر نے مزید کہا ہے کہ ان سرٹیفکیٹس کی فروخت سے حاصل ہونے والی رقم نقصان میں جانے والے حکومتی اداروں کی بحالی پر خرچ ہوگی۔

وزیر خزانہ نے یہ بھی کہا ہے کہ نقصان میں چلنے والے حکومتی اداروں کو منافع بخش اداروں میں تبدیل کیا جائے گا۔