پی ڈی ایم اے خیبر پختون خوا نے الرٹ جاری کر دیا

قدرتی آفات سے نمٹنے کے لیے قائم کیے گئے ادارے پراونشل ڈیزاسٹر مینجمنٹ اتھارٹی (پی ڈی ایم اے) خیبر پختون خوا نے بارشوں سے متعلق تمام اضلاع کو الرٹ جاری کر دیاہے۔

پی ڈی ایم اے کے مطابق محکمہ موسمیات نے کل سے صوبے میں بارشوں کے نئے سلسلے کے شروع ہونے کی پیش گوئی کی ہے۔

پی ڈی ایم اے کا کہنا ہے کہ اتوار سے شروع ہونے والا بارشوں کا سلسلہ اگلے ہفتے تک جاری رہے گا۔

پی ڈی ایم اے نے تمام متعلقہ محکموں کو ہدایت کی ہے کہ بالائی اضلاع میں چھوٹی بڑی مشینری کی دستیابی یقینی بنائی جائے، جبکہ سیاحوں کو موسم کی پیشگی صورت حال سے بھی آگاہ کیا جائے۔