حکومت سعودیہ میں مقیم 30لاکھ پاکستانیوں کے مستقبل کیلئے بات کرے،سراج الحق

امیر جماعت اسلامی سراج الحق نے امید ظاہر کی ہے کہ سعودی ولی عہد شہزادہ محمد بن سلمان کے ساتھ حکومت سعودی عرب میں مقیم 30 لاکھ سے زائد پاکستانیوں کے بہترین مستقبل کےلیے بات کرے گی۔

لاہور سے جاری ایک ویڈیوپیغام میں امیر جماعت اسلامی کا کہنا تھا کہ سعودی عرب نے ہر مشکل وقت میں پاکستان کا ساتھ دیا ہے ۔ شاہ فیصل مسجد اور فیصل آباد کا نام پاکستان اور سعودی عرب کی دوستی کی بڑی نشانی ہے۔

سراج الحق کا کہنا تھا کہ دنیا میں اس وقت جو گلوبل مارچ جاری ہے اس میں آگے نکلنے کے لیے پاکستان اور سعودی عرب کا ساتھ چلنا ضروری ہے۔