سماعت سے محروم شخص نے انجینئرز کو حیران کر دیا

22 فروری ، 2019

پیدائشی طور پر قوت ِسماعت سے محروم شخص نے برقی فضلے کا استعمال کرتے ہوئے موٹرسائیکل تیار کر لی۔

بھارتی شہرگجرات سے تعلق رکھنے والے 60سالہ وشنوں پٹیل نےپرانے موبائل، ٹی وی ریموٹ اور لیپ ٹاپ کے مختلف حصوں کو زیرِاستعمال لاتے ہوئے سات موٹر سائیکلیں بنا ڈالیں۔

الیکٹرونک ویسٹ سے تیار کردہ یہ موٹرسائیکلیں پیٹرول سے نہیں چلتی بلکہ بیٹری سےچلتی ہیں جنہیں دیکھ کر شاید انجینئرز بھی حیران ہوں۔

منفرد صلاحیت کے مالک وشنوں پیدائشی طور پر قوتِ سماعت سے محروم ہیںمگرانہوں نے کبھی بھی معذوری کو اپنے لیے کمزوری یا رکاوٹ بننے نہیں دیا۔