ایف بی آر نے اراکین پارلیمنٹ کی ٹیکس ڈائریکٹری جاری کر دی، سب سے زیادہ ٹیکس سابق رکن قومی اسمبلی جہانگیر ترین نے ادا کیا، وزیراعظم عمران خان نے 1 لاکھ اور اپوزیشن لیڈر شہباز شریف نے ایک کروڑروپے ٹیکس ادا کیا۔
ٹیکس ڈائریکٹری کے مطابق مالی سال 18-2017 میں سب سے زیادہ ٹیکس تاحیات نا اہل ہو چکے پی ٹی آئی کے سابق رکن قومی اسمبلی جہانگیر خان ترین نے دیا ، انہوں نے 9 کروڑ 73 لاکھ 17 ہزار 272 روپے کا ٹیکس ادا کیا۔
صدر پاکستان عارف علوی نے 3 لاکھ 77 ہزار 511 روپے اور وزیراعظم عمران خان نے ایک لاکھ 3 ہزار 763 روپے کا ٹیکس ادا کیا۔
سابق وزیر اعظم نواز شریف نے 2 لاکھ 63 ہزار 173 روپے ، قومی اسمبلی میں اپوزیشن لیڈر شہباز شریف نے ایک کروڑ 29لاکھ 6ہزار 518 روپے اور مولانا فضل الرحمان نے ایک لاکھ 25 ہزار 225 روپے ٹیکس دیا ۔
پنجاب اسمبلی میں اپوزیشن لیڈر ٕحمزہ شہباز 82لاکھ 68ہزار 298روپے ، سابق وزیر اعظم شاہد خاقان عباسی نے 30 لاکھ 86 ہزار 961 روپے ٹیکس ادا کیا۔
وزیر خزانہ اسد عمر 48 لاکھ 49 ہزار 615 روپے، شیخ رشید 7 لاکھ 2 ہزار 698 روپے ، وزیر خارجہ شاہ محمود قریشی 6لاکھ 53 ہزار 943 روپے اور خسرو بختیار 4 لاکھ 75 ہزار 573 روپے کا ٹیکس دیا۔
وزیر اعلیٰ سندھ مراد علی شاہ نے 80لاکھ 72ہزار روپے ، وزیر اعلیٰ بلوچستان جام کمال 61لاکھ 45ہزار 980 روپے، وزیر اعلیٰ خیبر پختونخوا محمود خان نے ایک لاکھ 47ہزار 780روپے ٹیکس دیا۔